A mundet Inter ta fitojë Scudetton? Kjo është përgjigja epike e Ibrahimoviç

Zlatan Ibrahimoviç është paraqitur para gazetarëve pas humbjes në derbi nga Inter me rezultat 4:2.

Ylli suedez bëri një asistim dhe shënoi një gol në pjesën e parë të cilën Milan e mbylli me avantazh 2:0.

Por, Nerazzurrët u rikthyen fuqishëm pas intervalit duke përmbysur rezultatin dhe arritur fitoren e madhe.

“Në pjesën e parë ishim gati perfekt, por në të dytën u zhdukëm nga fusha”, deklaroi Ibrahimovic pas ndeshjes.

Ai u pyet edhe për shanset e Interit për të fituar Scudetton tani që është barazuar me pikë me Juventusin në krye të tabelës.

“A mundet Inter ta fitojë Scudetton? Jo”, ishte përgjigja e shkurtër dhe e prerë nga ish futbollisti i Interit.