Kaq para humb Kosova nëse nuk vjen diaspora sivjet

Rrezikohen miliarda euro nëse nuk vjen diaspora në Kosovë. Pasojat do të jenë të mëdha për ekonominë e Kosovës, nëse nuk do të vijnë mërgimtarët.

Guvernatori i Bankës Qendrore të Kosovës, Fehmi Mehmeti thotë se mosardhja e diasporës në Kosovë, rrezikon që në mos sjelljen e një miliardë eurove të tjera nga shpenzimet e tyre.

“Nëse i referohemi vitit të kaluar, të hyrat nga remitencat kanë qentë 875 milionë euro ose në raport me Prodhimin e Brendshëm Bruto janë 12 për qind.

Pritjet tona janë që remitencat të kenë rënie diku 14.1 për qind, gjatë këtij viti. Por, ne e kemi edhe kategori që diaspora i bënë në Kosovë, ne i quajmë shpenzime të udhëtimit, ku kjo shumë është rreth një miliard euro.

Mos ardhja e tyre në Kosovë do ta rrezikonte këtë shumën prej një miliard euro”, deklaroi Mehmeti, përcjell albinfo.ch.

“Nga të dhënat e fundit që i kemi në dispozicion, po flas për muajt janar-prill 2019, kanë qenë 140 milionë euro që kanë ardhur përmes transferëve bankare, apo institucioneve tjera financiare jo-bankare, ndërkaq tani që i kemi të dhënat e reja për muajt janar-prill 2020 kemi 120 milionë euro, pra kemi një rënie prej 14.1 për qind.

Këtu nuk përfshihet ato mjetet financiare që deklarohen në kufi, kjo për faktin se kjo ka bërë të pamundur ardhjen e bashkatdhetarëve tonë”, tregon ai.