Opozita këmbëkryq në rrugë, Basha thirrje qytetarëve (Video)

Lideri i opozitës Lulzim Basha i është bashkuar kryetares së LSI-së Monika Kryemadhi dhe është ulur këmbëkryq në rrugën Myslym Shyri, pak metra më tutje gërmadhave të Teatrit Kombëtar, godina e të cilët u shemb në orët e para të mëngjesit të kësaj të diele.

Basha i është drejtuar me një thirrje qytetarëve të Tiranës, duke i thënë se duhet të dalin në rrugë për të protestuar kundër regjimit të Ramës.

Basha: Të gjithë ata që zbatojnë urdhrat e xhelatit do të kenë të njëjtën fat si ai. Do ti vëmë këta barbarë para përgjegjësisë.

I bëj thirrje qytetareve të Tiranës që të njohin vetëm një të drejtë, atë për të protestuar dhe për tu përballur me këtë regjim palaçosh. Të shpërfillin çdo gjë tjetër.

Nuk ka bandit si Rama që t’ia heqë të drejtën. Ka shumë pak banditë për të mbajtur zemërimin e popullit që po fryhet. Do ti marrë përpara. Sa herë që qytetarët do të goditen opozita dhe Lulzim Basha do të jetë pranë tyre.

Ky regjim nuk njeh ligj, por vetëm përballje. Do të qëndrojmë këtu sa të kemi fuqi. I bëj thirrje qytetarëve të Tiranës të derdhet në rrugët e Tiranës. Sonte është nata për të treguar që Tirana nuk bie, por ngrihet.