Publikohet videoja ‘lamtumirëse’ e Messit nga Barcelona – tifozët e skuadrës katalunase të pikëlluar

Tifozët e Barcelonës janë të trazuar nga lajmet e fundit se Lionel Messi e dëshiron largimin nga skuadra.

Të martën e kësaj jave, ylli argjentinas dorëzoi letrën për largim nga Blaugranasit, ndërsa një tollovi është krijuar atje.

Tifozët kanë filluar t’i mbledhin momentet më të mira të 33-vjeçarit te skuadra katalunase, e që kjo gjë ka emocionuar shumë ata.

Sipas raportimit nga mediat ndërkombëtare, Manchester City ka ofruar tre lojtarë dhe 100 milionë euro për t’i marrë shërbimet e gjashtë herë fituesit të Topit të Artë.

Në garë për Messin janë edhe klube si, Paris Saint-Germain, Inter e Manchester United, mirëpo ende nuk ka ndonjë ofertë konkrete.

“Kjo video më ka bërë me lot”, ka shkruar një tifoz i Barcelonës. “Asnjëherë nuk kam qarë për një lojtar.

Por, kjo më bëri me lot”. “Jam tifoz i Ronaldos, por sinqerisht mendoj se Messi është më i miri i të gjitha kohërave”, kanë shkruar të tjerët në video.