Vendi i vetëm në botë, 100% të izoluar: Asnjë qytetar nuk ka dalë nga banesa për 3 javë

Mali i Zi është vendi që ka numrin më të ulët të viktimave nga koronavirusi në rajonin e Ballkanit. Deri më tani shteti ballkanik ka regjistruar 4 v’iktima dhe 294 raste.

Ndërkohë, në Malin e Zi gjendjet një komunë me shumicë shqiptare, e cila ka shënuar një rast unik në botë sa i përket koronavirusit.

Këtë gjë e ka bërë me dije kryetari i kësaj komune, Nik Gjeloshaj, i cili në një lidhje për emisionin “Opinion” deklaroi se komuna e Tuzit është konsideruar nga espertët si vendi i vetëm në botë që ka arritur izolim 100%.

Gjeloshaj tha se kjo gjë është arritur për shkak të masave ekstreme që janë marrë, ku asnjë qytetar i Tuzit nuk ka dalë nga banesa për tre javë.

Ai tha gjërat elementare për jetesën janë mundësuar nga komuna, ndërkohë i gjithë qyteti ka qenë në karntinë për 21 ditë.

Gjeloshaj tha:

Në Tuz kishim masa ekstreme. Sipas ekspertëve kemi qenë vendi i vetëm në botë, 100 përqind të izoluar.

Krejt komuna, secila shtëpi, secili qytetar nuk kanë dalë prej shtëpie dhe për tri javë të plota qytetarët tanë kanë qëndruar në shtëpitë e tyre 24 orë.

Komuna ka mundësuar gjërat elementare për jetesën, kemi dërguar çdo ditë në shtëpitë e tyre ushqime dhe ilaçe me vullnetarët. Plot 21 ditë ka qenë në karantinë komuna e Tuzit.

Në filim ishim komuna më e prekur, për dy tre ditë në komunën me 15 mijë banorë, u evidentuan 36 raste. I morëm këto masa dhe kemi 10 ditë pa asnjë rast të ri të dhe kemi tani 12 të shëruar.

Pas 21 ditë ja dolëm që të ndalim numrin, por s’kemi hapur asnjë shitore, asnjë karburant, vetëm vullnetarët. Statistikat ishim shumë shumë të rrezikshme.